 |
| Oleh Pdt Vevo Hutajulu, S.Th |
GREENBERITA.com- Asi ni Roha ni Tuhanta i ma na tongtong manggomgom daging dohot tondita be.
Tajangkkon ma barita nauli na sian Tuhanta mamamnghulingi hita di ari minggu na badia on minggu Estomihi: ima na tarsurat di 2 Petrus 1:16-21
1. Marsihohot di pangunjunan
Dipasahat si Petrus Parmahanion mangalamboki panghilalan ni ruas na manghilalahon na porsuk asa unang maheu jala tahutan alani pangaleleon i.
Jala asa unang mimbar haporseaon nasida ala ni poda haliluon na rongom ro patabotabo begeon di sipareon soada panghirimon. Alo pangunjunan sai benget ma ho.
2. Gabe Sitindangi ni Kristus
Ndang mura gabe sitindangi na tutu. Gabe sitindangi ni Kristus ndang adong hirimon dapotan pangomoan pardagingon/portibion. Alai ganup na rade jala satia gabe sitindangi ni Ibana maruli hagogoon do dohot ragam ni parsaulian sian banuaginjang. Songon panindangion ni Si Johannes I mandok:
"au lam marmetmet alai Ibana lam balga. Rade sumeahon diri dibagasan unduk dohot serep ni Roha."
3. Baritahon ma Jesus Na sangap jala na badia
Jesus na tahaporseai jala na tahangoluhon i do sibaritahonohon. Ndada mangalului hasangapon na rumar ulaon marbarita nauli, gabe lipe sian hasintongan dohot ojahan na tutu, ndada mangait sangap tu diri manang mangalului pangoloan portibi isarani asa gabe godang likes dohot subscirbes di Youtubena.
Alai mulak ma tu hadirion ni Jesus na sangap na badia i, Selamat Hari Minggu, Amen.
(Penulis saat ini melayani di HKBP Resort Gereja Bolon Pangururan -Samosir)
